Г.Чинзориг: Зургадугаар сараас шаардлага хангахгүй телевиз, радиог хаана

Эдийн засгийн байнгын хорооны хуралдаанаар “Харилцаа холбооны тухай хуульд нэмэлт, өөрчлөлт оруулах тухай хуулийн төсөл”-ийн эцсийн хэлэлцүүлгийг хийлээ. 

Хэлэлцүүлгийн үеэр УИХ-ын гишүүн Х.Болорчулуун “Манай улсад 140-150 телевиз байдаг. Зах зээлийн дараа борооны дараах мөөг шиг болсон шүү дээ. Гэтэл бусад улс оронд манайхаас олон хүн амтай хотод 4-5 телевиз байдаг.  Бусад улс орнуудад дуртай болгонд нь радио, телевизиийн зөвшөөрлийг өгдөггүй, маш өндөр шалгуур, зохицуулалттай байдаг юм байна. 

Энэ хууль гарсны дараагаар тооноос чанарт шилжих байдал хэрхэн өөрчлөгдөх вэ?” гэдгийг тодруулсан юм.Түүний уг асуултанд Харилцаа, холбооны зохицуулах газрын дарга Г.Чинзориг: Улаанбаатарт 20 телевиз, 62 сувгийн телевиз ажиллаж байна. Хөдөөд 65 телевиз, есөн сувгийн телевиз ажиллаж байна. Бид шалгалт хийсэн. Дүнгээ 06-р сарын 06-нд Харилцаа холбооны, зохицуулах хорооны хурал дээр танилцуулна. Мэргэжлийн байгууллагын стандарт бүрдүүлээгүй телевизүүдийн эрхийг хааж, цэгцэлнэ гэдгээ онцоллоо.

Сэтгэгдлийг ачааллаж байна ...