Германы олон улсын хамтын ажиллагааны нийгэмлэгийн /GIZ/ Эрдэс баялаг, түүхий эдийн иж бүрэн санаачлага хөтөлбөрөөс Монголын сэтгүүлчдийн уул уурхай, эдийн засгийн чиглэлээр мэргэшүүлэхэд дэмжлэг үзүүлэхээр цуврал сургалтыг зохион байгуулж байгаа билээ. Энэ ажлын хүрээнд 2 дахь удаагийн сургалтыг “Онлайн сэтгүүл зүй” сэдвээр Герман Улсын сэтгүүлч Бернд Освалд удирдан явуулсан юм. Тэрбээр энэхүү сургалтаар интернэт эрэн сурвалжлага, нийгмийн сүлжээг хэрхэн ашиглах, мэдээлэл технологийг хэрхэн сэтгүүл зүйд ашиглах талаар сургаж, өөрийн туршлагаас хуваалцсан юм. Монголын сэтгүүлчдэд зориулан Бернд Освалд багшийн бэлтгэсэн “Онлайн сэтгүүл зүйн давуу тал, ач холбогдол-шууд нэвтрүүлэх, мультимедиа хэрэгсэл ашиглах идэвхтэй хэрэгсэл” сэдэвт 5 хэсгээс бүрдэх хичээлийг бүрэн эхээр хүргэж байна.